Plantun de Prouvènço

Pèr coumpara dos planto d'encò nostre

Nuphar lutea & Minuartia mediterranea

Ninfo

Nuphar lutea

Nymphaeaceae

Àutri noum : Pèd-de-miolo, Cougiéu-d'aigo, Pèd-de-muelo.

Nom en français : Nénuphar jaune.

Descripcioun :
La ninfo trachis dins l'aigo di lono, roubino e àutri canau. Floto sus l'aigo emé si gròssi fueio, un pau pu longo que larjo e duberto ounte s'estaco lou pecou, ço que douno d'èr à un "pèd de miolo". Li flour, que vènon l'estiéu, jauno, fan de 3 à 5 cm de diamètre.

Usanço :
Lou rizoumo èi manjadis, lou fau faire couire de tèms, e chanja l'aigo, pèr n'en leva l'amarun. Se pòu tambèn manja li pecou e li grano après lis avé leva dóu fru, ço qu'èi pas eisa. Aquésti grano sauton à la sartan dóu biais dóu pop-corn.

Port : Erbo
Taio : 1 à 5 m
Fueio : alterno
Tipe bioulougico : Idroufite
Cicle bioulougico : Planto renadivo

Gènre : Nuphar
Famiho : Nymphaeaceae

Ordre : Nympheales

Coulour de la flour : Jauno
Petalo : 5
Ø (o loungour) flour : 3 à 5 cm
Flourido : Printèms - Estiéu

Sòu : ges
Autour basso e auto : 0 à 1200 m
Aparado : Noun

Liò : Aigo
Estànci : Termoumediterran à Mountagnard
Couroulougi : Éurasiatico
Ref. sc. : Nuphar lutea (L.) Sm., 1809

Lineto(-mieterrano)

Minuartia mediterranea

Caryophyllaceae

Noms en français : Minuartie de la Méditerranée, Sabline de la Méditerranée.

Descripcioun :
La lineto-mieterrano es uno planto de l'an, emé de cambo proun ramificado, de fueio primo e pounchudo emé de flour que li sepalo soun mai longo que li petalo. Ei proche de Minuartia hybrida, mai se n'en destrìo à si pecou mai court que li sepalo (aleva la proumiero flour). Peréu, li pecou e li sepalo soun glandoulouso. Coumpara emé la lineto-bastardo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 20 (30) cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Minuartia
Famiho : Caryophyllaceae

Ordre : Caryophyllales

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 800 m
Aparado : Noun

Liò : Sablo - Paret - Champ
Estànci : Mesoumediterran à Coulinen
Couroulougi : Pancaro entresigna
Ref. sc. : Minuartia mediterranea (Ledeb. ex Link) K.Maly, 1908

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Nuphar lutea & Minuartia mediterranea

ges

Coumpara Ninfo emé uno autro planto

Coumpara Lineto(-mieterrano) emé uno autro planto